ԵՐԵՎԱՆ, ՓԵՏՐՎԱՐԻ 25, 24News
Լեհաստանում այսօր մեկնարկել են ՆԱՏՕ-ի «Dragon-24» լայնածավալ զորավարժությունները, հայտնում է լեհական բանակի գլխավոր շտաբը։
Զորավարժություններին ընդհանուր առմամբ կմասնակցի շուրջ 20 հազար զինվորական և 3,5 հազար միավոր զինտեխնիկա ՆԱՏՕ-ի 10 երկրներից, այդ թվում՝ Լեհաստանի զինված ուժերի մոտ 15 հազար զինվոր։
Նշվում է, որ զորավարժությունները կփորձարկեն «փոխգործունակությունը և մարտական առաջադրանքների կատարումը ցամաքում, օդում և ծովում», ինչպես նաև ռազմական գործողություններ կիրականացվեն կիբերտարածությունում։
Դրանք «ուղղված չեն որևէ երկրի դեմ, այլ ցանկացած ագրեսիվ քաղաքականությանը դիմակայելու ունակության ցուցադրություն են», ներառյալ «Ռուսաստանի Դաշնության սադրիչ գործողությունները»,-ասված է նախարարության հաղորդագրության մեջ։
--00—ՅՄ