ԵՐԵՎԱՆ, ՓԵՏՐՎԱՐԻ 28, 24News
Մարտի 2-ին կնշվի Բուն Բարեկենդանը: Արարատյան Հայրապետական թեմի առաջնորդական փոխանորդ Գերաշնորհ Տեր Նավասարդ արքեպիսկոպոս Կճոյանի օրհնությամբ թեմի մի քանի եկեղեցիներում կանցկացվեն տոնախմբություններ:
Սուրբ Աննա և Կաթողիկե Սուրբ Աստվածածին եկեղեցիների բակում Սուրբ Պատարագի ավարտին, նախաձեռնությամբ ՀՀ Վաստակավոր արտիստ Արսեն Գրիգորյանի, Ռուդիկ Հարոյանի անվան «Մասունք» ավանդական երգի, պարի համույթի և «Հայ Ասպես» դպրոցի, տեղի կունենա Բուն Բարեկենդանին նվիրված` «էկան հայոց ազգին օրերը, հանեցեք հիները, հագեք նորերը» խորագիրը կրող միջոցառումը:
Սուրբ Երրորդություն եկեղեցու բակում Սուրբ Պատարագի ավարտին տոնի կապակցությամբ կհնչի ազգային երաժշտություն, կանցկացվեն ազգային խաղեր, մասնակիցները շուրջպար կբռնեն, կլինի հյուրասիրություն: Միջոցառումը տեղի կունենա եկեղեցու ծխական կառույցների անդամների մասնակցությամբ: Ծրագիրն իրականացվում է Մալաթիա-Սեբաստիա վարչական շրջանի համայնքապետարանի հետ համատեղ:
Էրեբունի համայնքում Բուն Բարեկենդանին Սուրբ Պատարագի ավարտին տոնի կապակցությամբ կիրականացվեն մշակութային միջոցառումներ, այնուհետև կլինի հյուրասիրություն։
--00—ՍՊ