ԵՐԵՎԱՆ, ՄԱՐՏԻ 20, 24News
Ուհանում՝ կորոնավիրուսի բռնկման օջախ համարվող չինական քաղաքում, արդեն երկրորդ օրն է՝ չի գրանցվել հիվանդության դեպք:
Չինաստանում նախորդ օրվա ընթացքում գրանցվել է կորոնավիրուսի 39 նոր դեպք: Հայտնում են, որ վիրուսի նոր օջախները դրսից են:
Նշենք նաև, որ Չինաստանից հետո Իտալիան երկրորդ երկիրն է վարակվածների թվով:
Այս պահի տվյալներով՝ ամբողջ աշխարհում կա կորորնավիրուսի գրանցված 254.470 դեպք, որից՝ 10.418-ը՝մահվան ելքով: Վերականգնվել է 89.105 մարդ: Այն տարածվել է 183 երկրում:
Հայաստանում ՀՀ ԱՆ հիվանդությունների վերահսկման և կանխարգելման ազգային կենտրոնից հայտնում են, որ մարտի 20-ի՝ ժամը 10․00-ի դրությամբ, Հայաստանում կա կորոնավիրուսով ախտորոշված 136 հիվանդ, բուժվել է 1-ը։
ՌԴ-ում կա կորոնավիրուսի գրանցված 199 դեպք, որից 1-ը՝ մահվան ելքով, վերականգնվել է 9 մարդ:
Հայաստանին հարևան երկրների վիճակագրությունն այս պահի տվյալներով՝
Իրանում գրանցվել է կորոնավիրուսի 19.644 դեպք, որից 1433-ը մահվան ելքով, վերկանագնվել է 5979 մարդ: Թուրքիայում՝ 359 դեպք, մահացել է 4 մարդ. վերականգնվածներ չկան: Վրաստանում կորոնավիրուսի գրանցված 43 դեպք, որից մեկը վերկանագնվել է, մահվան դեպքեր չկան: Ադրբեջանում 44 հոգի այս պահի տվյալներով ունի կորոնավիրուսային հիվանդություն, որից 1-ն է մահացել, իսկ 10-ը վերականգնվել են:
Կորոնավիրուսի առողջացածների, վարակվածների և մահացածների թվին, ինչպես նաև կորոնավիրուսով վարակված քաղաքացի ունեցող երկրների ցանկին կարելի է ծանոթանալ և օնլայն հետևել https://www.worldometers.info/coronavirus/ հասցեում։