ԵՐԵՎԱՆ, ՀՈՒԼԻՍԻ 20, 24News
Հայաստանի ֆուտբոլի ֆեդերացիան սկսում է «Հայաստանի 2019/2020 մրցաշրջանի լավագույն ֆուտբոլիստ» և «Հայաստանի 2019/2020 մրցաշրջանի լավագույն մարզիչ» անվանակարգերում քվեարկությունը: Այդ մասին հայտնում է ֆեդերացիայի մամուլի ծառայությունը:
Մրցանակը սահմանվել է ՀՖՖ-ի կողմից: Ի տարբերություն «Տարվա լավագույն ֆուտբոլիստ» և «Տարվա լավագույն մարզիչ» մրցույթի, այս մրցանակի հավակնորդներն են ոչ թե օրացուցային տարվա, այլ մրցաշրջանի ընթացքում Հայաստանի Բարձրագույն խմբի առաջնությունում, գավաթի խաղարկությունում, ինչպես նաև եվրագավաթներում առավել աչքի ընկած ֆուտբոլիստները և մարզիչները:
Մրցաշրջանի լավագույն ֆուտբոլիստին և մարզչին ընտրելու են լրատվամիջոցների ներկայացուցիչները և Հայաստանի Բարձրագույն խմբի ակումբների գլխավոր մարզիչներն ու ավագները: Այդ մրցանակների համար կպայքարեն 25 ֆուտբոլիստ և 4 մարզիչ: Քվեարկությունը կանցկացվի մինչև հուլիսի 29-ը՝ ներառյալ:
--0--ԱՀ