ԵՐԵՎԱՆ, ԱՊՐԻԼԻ 21, 24News
Փոխվարչապետ Մհեր Գրիգորյանը տեսակապի միջոցով Արժույթի միջազգային հիմնադրամի և Համաշխարհային բանկի (ՀԲ) գարնանային հանդիպումների շրջանակներում մասնակցել է ՀԲ-ի՝ Եվրոպայի և Կենտրոնական Ասիայի տարածաշրջանի փոխնախագահ Աննա Բյերդեի և ՀԲ-ում Հայաստանի գծով գործադիր տնօրեն Կոեն Դավիդսեի հետ կայացած հայկական պատվիրակության հանդիպումներին: Այս մասին տեղեկանում ենք կառավարության պաշտոնական էջից։
ՀԲ-ի գործընկերների հետ քննարկվել են տարածաշրջանային զարգացումների ներքո Հայաստանի տնտեսության հիմնական մարտահրավերները և դրանց դիմակայելու նպատակով ՀԲ-ի հետ համագործակցության շրջանակը: Ընդգծվել է ՀԲ-ի հետ Երկրի գործընկերության շրջանակի ներքո արտահանման խթանման, մրցունակության բարձրացման, մարդկային կապիտալի զարգացման և բնական ռեսուրսների կայուն կառավարման ուղղություններով համատեղ իրականացվող ծրագրերի կարևորությունը:
--00--ՆՍ