ԵՐԵՎԱՆ, ՍԵՊՏԵՄԲԵՐԻ 11, 24News
Ամերիկացի հանրահայտ երգչուհի Թեյլոր Սվիֆթը հայտարարել է, որ մտադիր է նոյեմբերին կայանալիք նախագահական ընտրություններում աջակցել ԱՄՆ փոխնախագահ Կամալա Հարրիսի թեկնածությանը, փոխանցում է «ՌԻԱ Նովոստի»-ն։
Ավելի վաղ Hill թերթը գրել էր, որ ներկայիս նախագահ Ջո Բայդենի նախընտրական շտաբը չափազանց հետաքրքրված է Սվիֆթի կողմից իր թեկնածության աջակցությամբ։ Politico-ն հայտնել է, որ Դեմոկրատական կուսակցությունը նախատեսում է ներգրավել ընտրողներին Ֆլորիդայում Սվիֆթի համերգներին։ Թրամփը նշել է, որ Սվիֆթը չպետք է աջակցի Բայդենին ընտրություններում, քանի որ նա ոչինչ չի արել նրա համար և ոչինչ չի անի։
«2024 թվականի նախագահական ընտրություններում ես կքվեարկեմ Կամալա Հարրիսի և (նրա թեկնածու-խմբ.) Թիմ Վալցի օգտին», - գրել է Սվիֆթը Ինստագրամի իր էջում։
Սվիֆթը բացատրել է իր ընտրությունը՝ նշելով, որ կարծում է, թե Միացյալ Նահանգները կարող է շատ ավելիին հասնել, եթե առաջնորդվի «հանգստությամբ, այլ ոչ թե քաոսով»։
--00—ՅՄ