ԵՐԵՎԱՆ, ՀՈԿՏԵՄԲԵՐԻ 8, 24News
ՀՀ մարդու իրավունքների նախկին պաշտպան Արման Թաթոյանն ու ԱՀ մարդու իրավունքների պաշտպան Գեղամ Ստեփանյանն այցելել են Արցախի թեմի գրասենյակ, հայտնում են թեմի մամուլի ծառայությունից։
Տեղի է ունեցել հանդիպում Արցախի թեմի առաջնորդ գերաշնորհ Տեր Վրթանես եպիսկոպոս Աբրահամյանի հետ։
Հանդիպմանը քննարկվել են արցախահայերի իրավունքներին վերաբերող հարցեր, անդրադարձ է կատարվել Արցախի հոգևոր-մշակութային ժառանգության պահպանության հիմնախնդիրներին։
Քննարկվել են նաև հետագա համագործակցության հարցեր, մասնավորապես միջազգային հանրությանը հնարավոր բոլոր ուղղություններով իրազեկելու Ադրբեջանի վերահսկողության տակ գտնվող տարածքներում հայկական մշակութային ժառանգությանը սպառնացող վտանգների մասին:
--00—ՍՊ