Ինչ այցելություններ է ունեցել Կապանի համայնքապետը Ֆրանսիայում․ մանրամասներ

Կապան համայնքի ղեկավար Գևորգ Փարսյանի գլխավորած պատվիրակությունը հոկտեմբերի 10-15-ը պաշտոնական այցով գտնվում էր Ֆրանսիայի Օվերնյ-Ռոն-Ալպ շրջանի Սենթ Էթիեն քաղաքում, որի նպատակը համագործակցության համաձայնագրի ստորագրման հանդիսավոր արարողությունն էր: Հայտնում են Կապանի համայնքապետարանից։ 
 

Հնգօրյա աշխատանքային այցի շրջանակներում տեղի են ունեցել բազմաթիվ հանդիպումներ, այցելություններ համայնքային կենտրոններ, պաշտոնական միջոցառումներ, որոնց ընթացքում համայնքի ղեկավարը հանդես է եկել մի շարք ելույթներով։
 

Այցի առաջին օրը պատվիրակության անդամները հանդիպել են Լուարի ֆրանս-հայկական դաշինքի կողմից կազմակերպված՝ հայ համայնքի ներկայացուցիչների հետ։

 

Երկրորդ օրը՝

Հարգանքի տուրք մատուցել և ծաղկեպսակներ դրել՝ Հայաստանի հրապարակում տեղադրված Հայոց Ցեղասպանության զոհերի հիշատակը հավերժացնող հուշակոթողին

Մասնակցել թատերական ընթերցման՝ նվիրված Դիմադրության շարժման հայազգի հերոս Միսաք Մանուշյանին և նրա մարտական խմբին
Այցելություն՝ համալսարանական հիվանդանոցային կենտրոն

Այցելություն՝ քաղաքային կինոգրադարան և թվային մեդիա գրադարան
 

 

Երրորդ օրը՝
 

Այց՝ Ժոֆֆրուա Գիշար մարզադաշտ և «ԱՍՍԵ»-ի թանգարան
 

Հանդիպում՝ ֆրանսիահայ հեղինակներ Ժան Պիեռ Քոթչյանի և Անտուան Ագուջյանի հետ, ովքեր ներկայացել են իրենց «Կարմիր սարեր» և «Լռության ճիչը. հայկական հիշողության հետքեր» ստեղծագործություններով

Այցելություն՝ արհեստի և արդյունաբերության թանգարան

Հանդիպում՝ Սենտ Էտիենի Երիտասարդական խորհրդատվական խորհրդի և երիտասարդների հետ
 

Չորրորդ օրը՝

Սուրբ և անմահ պատարագ՝ տեղի Սուրբ Գրիգոր Լուսավորիչ եկեղեցում՝ ձեռամբ Տեր Սահակ քահանա Ղարիբյանի
Էրվե Տաբոնեի «Կապան. ներկայի հիշողությունը» լուսանկարների ցուցահանդեսի բացում

Աշխարհաքաղաքական համաժողով՝ բանախոսներ Գևորգ Փարսյանի, Տիգրան Եգավյանի և Հովհաննես Գևորգյանի մասնակցությամբ

Կապան համայնքի և Սենթ էթիենի միջև համագործակցության համաձայնագրի ստորագրման պաշտոնական արարողություն
 

Հինգերորդ օրը՝

Այցելություն Դիզայնի կենտրոն
 

2025 թվականի համագործակցության շրջանակի քննարկում և ամփոփում, որի ընթացքում ձեռք են բերվել հստակ պայմանավորվածություններ՝ առողջապահության, մշակույթի, սպորտի և երիտասարդության ոլորտներում ծրագրեր իրականացնելու համար։

--00—ՍՊ