ԵՐԵՎԱՆ, ՀՈԿՏԵՄԲԵՐԻ 30, 24News
Հանրապետության նախագահ Վահագն Խաչատուրյանը Կոլումբիա կատարած աշխատանքային այցի շրջանակներում հանդիպում է ունեցել Կոլումբիայի արտաքին գործերի նախարար Լուիս Ջիլբերտո Մուրիլլոյի հետ: Այս մասին հայտնում են ՀՀ նախագահի աշխատակազմից։
Հանդիպմանը երկուստեք շեշտվել է երկու երկրների միջև հարաբերություններն ակտիվացնելու և այս ուղղությամբ քայլեր ձեռնարկելու անհրաժեշտությունը, ինչպես նաև մտքեր են փոխանակվել Հայաստանի և Կոլումբիայի փոխգործակցային ներուժի բացահայտման և կյանքի կոչման հեռանկարների շուրջ:
Կողմերը նշել են, որ աշխարհագրական հեռավորությունը խոչընդոտ չի կարող լինել տարբեր ոլորտներում փոխգործակցության մեկնարկի համար, առավել ևս այն պարագայում, երբ Հայաստանը բարեկամական հարաբերություններ և ռեզիդենտ դեսպանություններ ունի լատինաամերիկյան աշխարհամասի մի շարք երկրներում:
Զրույցի ընթացքում Հանրապետության նախագահը բարձր է գնահատել Կոլումբիայի կողմից սեղմ ժամկետում ՄԱԿ-ի Կենսաբազմազանության մասի կոնվենցիայի Կողմերի 16-րդ համաժողովը պատշաճ հյուրընկալելու և անցկացնելու ուղղությամբ տարված աշխատանքները:
--00—ԼՀ