ԵՐԵՎԱՆ, ՄԱՐՏԻ 3, 24News
«Փյունիկի» գլխավոր մարզիչ Եղիշե Մելիքյանը գրառում է կատարել «Փյունիկ» — «Արարատ-Արմենիա» (1:2) հանդիպման ժամանակ ձերբակալված 9 հայ ֆուտբոլասերների վերաբերյալ։
«Օրեր առաջ ականատեսը դարձա, թե ինչպես են բռնություն կիրառում, «փռում» խոտածածկին հայկական ֆուտբոլին նվիրված ու մտահոգ երկրպագուներին, որոնք իրենց պահանջն էին ներկայացնում և ունեն դրա իրավունքը:
Որպես Հայաստանի ազգային հավաքականի նախկին ֆուտբոլիստ` մեծ ցավով էի հետևում այդ տեսարանին, և վստահ եմ, որ նման ծայրահեղ մեթոդների կիրառումը հայկական ֆուտբոլը ոչ մի լավ կետի չի բերի:
Կոչ եմ անում համապատասխան մարմիններին բացառել ուժի կիրառումը, հանել բոլոր մեղադրանքները և ազատ արձակել ձերբակալված երկրպագուներին, ի վերջո, գնալ դիալոգի ու փորձել գտնել փոխզիջման եզրեր»,- գրել է Մելիքյանի իր Facebook-յան էջում։
--00—ՍՊ