ԵՐԵՎԱՆ, ՄԱՐՏԻ 17, 24News
Ա Սերիայի 29-րդ տուրում Միլանի «Ինտերը» հյուրընկալվելիս մրցել է «Ատալանտայի» հետ և երկու անպատասխան գնդակ է ուղարկել մրցակցի դարպասը:
Հանդիպման հաշիվը 54-րդ րոպեին բացել է Կառլոս Աուգոստոն
87-րդ րոպեին հյուրերի արգենտինացի հարձակվող Լաուտարո Մարտինեսը կրկնապատկել է իր թիմի առավելությունը:
Մինչ այդ էլ՝ 81-րդ րոպեին, «Ատալանտան» մնացել է 10 հոգով, երբ Էդերսոնը երկրորդ դեղին քարտը ստանալով՝ հեռացվել է խաղադաշտից: Սիմոնե Ինձագիի թիմը ևս խաղն ավարտել է 10 հոգով. 90+5-րդ րոպեին երկրորդ դեղին քարտը ստացել և խաղադաշտից հեռացվել է Ալեսանդրո Բաստոնին:
Հայաստանի ազգային հավաքականի նախկին կիսապաշտպան Հենրիխ Մխիթարյանը «Ինտերի» մեկնարկային կազմում է դուրս եկել խաղադաշտ, սակայն փոխարինվել է 75-րդ րոպեին՝ տեղը զիջելով Դավիդե Ֆրատեզիին:
Այս հաղթանակից հետո միլանյան թիմը իր միավորների թիվը հասցրել է 64-ի և միանձնյա գլխավորում է Ա Սերիայի մրցաշարային աղյուսակը: «Ատալանտան» 58 միավորով երրորդ տեղում է: Մրցաշարային աղյուսակի երկրորդ հորիզոնականը զբաղեցնում է «Նապոլին», որը 29 խաղից հետո 61 միավոր է վաստակել:
Աղբյուրը՝ Armsport.am:
--00—ՅՄ