ԵՐԵՎԱՆ, ՄԱՐՏԻ 31, 24News
Մարտի 28-ին ՀՀ-ում Ռուսաստանի դեսպան Սերգեյ Կոպիրկինն աշխատանքային այց է կատարել Արագածոտնի մարզ, հայտնում են ՌԴ դեսպանատնից։
Մարզպետ Մովսիսյանի հետ հանդիպման ընթացքում ընդգծվել է Ռուսաստանի և Հայաստանի միջև միջտարածաշրջանային հարաբերությունների զարգացման, ինչպես նաև մշակութային, հումանիտար և զբոսաշրջային ոլորտներում համագործակցության կարևորությունը։
Այցի շրջանակներում դիվանագիտական առաքելության ղեկավարն այցելել է նաև «VS DATA» ընկերության տվյալների մշակման կենտրոնի շինհրապարակ, որը ռուսական կապիտալի մասնակցությամբ բարձր տեխնոլոգիաների ոլորտում փորձնական նախագիծ է։
Աշտարակի Ս. Շախազիզի անվան №2 հիմնական դպրոցում Կոպիրկինին ներկայացվել է ռուսական և հայկական մշակույթների ընդհանրության խորը արմատներն արտացոլող համերգային ծրագիրը:
--00—ՅՄ