ԵՐԵՎԱՆ, ՀՈՒՆԻՍԻ 17, 24News
Մադրիդի «Ռեալ»-ի ավագ, պաշտպան Սերխիո Ռամոսը հեռացել է թիմից։ Հունիսի 30-ին ավարտվում է Սերխիո Ռամոսի պայմանագիրը, որը երկարաձգելու համաձայնության կողմերը չեն հասել։
Ռամոսի հրաժեշտի մամուլի ասուլիսը կկայանա հունիսի 17-ին:
Սերխիո Ռամոսը «արքայական ակումբ» է տեղափոխվել 2005 թվականին։ Ակումբի կազմում ֆուտբոլիստն անցկացրել է 671 հանդիպում, խփել 101 գոլ, կատարել 40 գոլային փոխանցում, դարձել Իսպանիայի հնգակի չեմպիոն, կրկնակի գավաթակիր, քառակի սուպերգավաթակիր, Չեմպիոնների լիգայի քառակի գավաթակիր, Եվրոպայի եռակի սուպերգավաթակիր, աշխարհի քառակի ակումբային չեմպիոն։
--00—ՄՀ