ԵՐԵՎԱՆ, ՄԱՐՏԻ 11, 24News
Ռուս-ուկրաինական պատերազմի երկու շաբաթների ընթացքում Դնեպր քաղաքն առաջին անգամ ռմբակոծության է ենթարկվել։ Այս մասին հայտնում է «Կորեսպոնդենտ» պարբերականը։
Նախնական տվյալներով՝ Դնեպրի Նովոկոդատսկի շրջանում երեք ավիահարված է հասցվել, մեկ մարդ մահացել է։ Նշվում է, որ հարվածը տեղի է ունեցել մանկապարտեզի և բազմաբնակարան շենքի մոտ, ինչպես նաև երկհարկանի կոշիկի արտադրամասի վրա, որից հետո էլ հրդեհ է բռնկվել։
Հավելենք, որ ավելի վաղ տեղի բնակիչները հայտնել էին երեք հզոր պայթյունի մասին։
--00--ԳԵ