ԵՐԵՎԱՆ, ՄԱՐՏԻ 18, 24News
Հանրապետության նախագահ Վահագն Խաչատուրյանը ծննդյան օրվա առթիվ շնորհավորական ուղերձ է հղել Վրաստանի նախագահ Սալոմե Զուրաբիշվիլիին: Այս մասին հայտնում են ՀՀ նախագահի աշխատակազմից։
Ուղերձում ասվում է. «Հայաստանի և Վրաստանի սերտ հարաբերությունները և համագործակցությունը՝ խարսխված հազարամյա պատմության բովով անցած մեր ժողովուրդների բարեկամության վրա, ունեն խոստումնալից ծրագրերի իրագործման հեռանկարներ: Հավատացած եմ, որ համատեղ ջանքերով կնպաստենք երկու երկրների բարեկամական կապերի խորացմանը և ամրապնդմանը՝ արձանագրելով նորանոր և շոշափելի հաջողություններ՝ ի նպաստ մեր ժողովուրդների բարօրության և տարածաշրջանում հարատև խաղաղության հաստատման»։
--00—ՀԶ