ԵՐԵՎԱՆ, ՀՈԿՏԵՄԲԵՐԻ 27, 24News
Երկար տարիներ Ռուսաստանը Հայաստանին առաջարկել է լուծել Ղարաբաղի հարցը՝ փոխանցելով Բաքվին հինգ շրջանները, որտեղից մարդիկ հեռացել էին, բայց Երևանը գնաց իր ճանապարհով։ Այս մասին «Վալդայ» միջազգային քննարկումների ակումբի լիագումար նիստի ժամանակ ասել է ՌԴ նախագահ Վլադիմիր Պուտինը։
«Երկար տարիներ մենք երկխոսության մեջ ենք եղել հայկական կողմի հետ և առաջարկել ենք Ղարաբաղի հետ կապված հարցը լուծել հետևյալ կերպ. Հայաստանը փաստացի վերահսկում էր Ադրբեջանի յոթ շրջան։ Մենք ասում էինք՝ եկեք գնանք հարաբերությունների կարգավորման, ահա կա երկու շրջան... մեծ շրջաններ։ Ինչ-որ փուլում մենք ադրբեջանական կողմի հետ կպայմանավորվենք՝ հինգ շրջան տվեք, լավ, դրանք պետք չեն, ուղղակի դատարկ են, մարդիկ լքել են այդ տարածքները, փաստացի վտարվել են։ Ինչու՞ պահել դրանք:»,- ասել է Պուտինը։
«Ղարաբաղի հետ կապի համար երկու հսկայական շրջանները բավական են։ Կարծում ենք՝ արդարացի կլիներ փախստականներին վերադարձնել և այլն։ Սա լավ քայլ կլիներ ընդհանուր տարածաշրջանում իրավիճակի կարգավորման ուղղությամբ։ Բայց Հայաստանի ղեկավարությունը գնաց իր ճանապարհով։ Ինչպես գիտեք, դա հանգեցրեց այն իրավիճակին, որն այսօր ստեղծվել է»,- ասել է ՌԴ նախագահը։
--00—ԻԴ