ԵՐԵՎԱՆ, ՀՈՒՆՎԱՐԻ 8, 24News
Հրշեջները պայքարում են ԱՄՆ-ի Լոս Անջելես քաղաքում բռնկված խոշոր հրդեհի դեմ, 30 հազար մարդու հորդորել են լքել իրենց տները: «Արմենպրես»-ի փոխանցմամբ՝ այս մասին հայտնում է BBC–ն:
Հրդեհը արագորեն տարածվում է: Նշվում է, որ այդ հատվածում շատ հայտնիներ տներ ունեն: Արտակարգ իրավիճակների ծառայության աշխատակիցները օգնում են` մարդկանց տեղափոխել անվտանգ տարածք:
Կալիֆորնիայի նահանգապետն արտակարգ դրություն է հայտարարել: Նա բնակիչներին կոչ է արել զգոն լինել, ձեռնարկել բոլոր անհրաժեշտ միջոցառումները:
Հրդեհվել են բազմաթիվ տներ, տուժածների մասին այս պահին տեղեկություններ չկան:
Հրդեհը բռնկվել է հունվարի 7-ին Լոս Անջելեսի ժամանակով մոտ 10:30-ին: Կրակն արագորեն տարածվել է քամու և չոր պայմանների պատճառով:
ԱՄՆ ներկայիս նախագահ Ջո Բայդենը կոչ է արել հրդեհից տուժած շրջանների բնակիչներին զգոն լինել և հետևել տեղի պաշտոնյաների նախազգուշացումներին:
Բայդենն ասել է, որ իր վարչակազմը կանի ամեն ինչ՝ աջակցելու արձագանքման գործողություններին:
--00—ՅՄ