ԵՐԵՎԱՆ, ՀՈԿՏԵՄԲԵՐԻ 5, 24News
«Համառ մարտեր են ընթանում, կասեցվում է թշնամու զորքերի առաջխաղացումը»,-գրել է Արծրուն Հովհաննիսյանը։
Նշենք, որ րոպեներ առաջ ՀՀ վարչապետ Նիկոլ Փաշինյանը ֆեյսբուքյան ուղիղ եթերի ժամանակ հայտարարեց, որ սա մի նոր Սարդարապատ է, և որպեսզի հակառակորդի ողնաշարը կոտրվի, կոչ արեց՝ վերջին 1 տարում զորացրվածները ներկայանան Չարբախի զինկոմիսարիատ:
Սեպտեմբերի 27-ի վաղ առավոտյան Ադրբեջանը, խախտելով բոլոր միջազգային պարտավորվածությունները, թուրքական բանակի և Մերձավոր Արևելքից բերված ահաբեկիչների անմիջական մասնակցությամբ հարձակում է գործել Արցախի ուղղությամբ։ Այդ ընթացքում բազմիցս հրետակոծվել են թե՛ Արցախի և թե՛ Հայաստանի բնակավայրերը, խաղաղ բնակչության շրջանում կան բազմաթիվ զոհեր ու վիրավորներ, ավերվել են տասնյակ շինություններ, ահռելի վնաս է հասցվել քաղաքացիական ենթակառուցվածքներին։
Հայկական Զինված ուժերը հերոսական ու համառ մարտեր են մղում հակառակորդի դեմ՝ պատճառելով նրան կենդանի ուժի և տեխնիկայի ծանրագույն կորուստներ։
Սեպտեմբերի 27-ին Արցախում և Հայաստանում ռազմական դրություն է հայտարարված:
--00—ԼՄ