ԵՐԵՎԱՆ, ՆՈՅԵՄԲԵՐԻ 23, 24 News
Ռուսական խաղաղապահ զորակազմի զինծառայողները «Մերսի» բարեգործական կազմակերպությունների ասոցիացիայի ներկայացուցիչների հետ մարդասիրական ակցիա են անցկացրել Լեռնային Ղարաբաղի Ստեփանակերտ քաղաքում։ Այս մասին հայտնում է ՌԴ ՊՆ մամուլի ծառայությունը։
Ակցիայի շրջանակում ռուս խաղաղապահները հանրապետական բժշկական կենտրոնի ինֆեկցիոն բաժանմունքին են հանձնել մարդասիրական բեռ՝ 200 տաք վերմակների տեսքով՝ մոտ 1 տոննա ընդհանուր քաշով։
«Այսօր Ստեփանակերտ քաղաքի բժշկական կենտրոնում մարդասիրական ակցիա է անցկացվել «Մերսի» բարեգործական կազմակերպությունների ասոցիացիայի հետ համատեղ հիվանդանոցին նվիրաբերվել է 200 վերմակ։ Նաև ցուրտ եղանակի նախաշեմին նախատեսվում է անցկացնել հերթական մարդասիրական ակցիան՝ անխափան հոսանքի մատակարարման և ջեռուցիչների տեղափոխմամբ»,-ասել է ռուսական խաղաղապահ զորակազմի ներկայացուցիչ Դմիտրի Լիտվինովը։
«Ցանկանում եմ շնորհակալություն հայտնել ռուսական խաղաղապահ զորակազմին, ինչպես նաև «Մերսի» ասոցիացիային, որոնք մեզ վերմակներ են տրամադրել։ Շնորհակալ ենք մեզ այս հնարավորությունը ընձեռելու համար, որպեսզի մեր հիվանդները ոչնչի կարիք չունենան»,-ասել է բժշկական կենտրոնի ինֆեկցիոն բաժանմունքի գլխավոր բուժքույր Արինա Աբովյանը։
Հումանիտար բեռը ՌԴ-ից ԼՂ է հասցվել ռուսական խաղաղապահ զորակազմի կողմից։ Տարվա ընթացքում անցկացվել է ավելի քան 226 մարդասիրական միջոցառում, այդ թվում՝ ավելի քան 80 խոշոր մարդասիրական ակցիաներ բնակավայրերում, դպրոցներում, մանկապարտեզներում և գիշերօթիկ հաստատություններում, ինչպես նաև ավելի քան 100 անգամ նպատակային մարդասիրական օգնություն է ցուցաբերվել սահմանազատման գծի երկայնքով հեռավոր վայրերում։
--00—ՄՀ