ԵՐԵՎԱՆ, ԴԵԿՏԵՄԲԵՐԻ 18, 24News
Անդրանիկ Միհրանյանի մուտքը Հայաստան արգելելը դիտարկում ենք որպես դաշնակցային պարտավորություններին հակասող ոչ բարեկամական քայլ։ Այս մասին հերթական ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Հիշեցնենք, որ դեկտեմբերի 15-ին, Միհրանյանին թույլ չեն տվել «Զվարթնոց» օդանավակայանից մուտք գործել Հայաստան: Ինչպես հաղորդել է Ռուսաստանի հայերի միությունը, նա Հայաստան է ժամանել ծնողների շիրիմներին այցելելու համար: Օդանավակայանում Միհրանյանին հայտնել են, որ նրա մուտքը Հայաստան արգելված է։ Ավելի ուշ, քաղաքագետը վերադարձել է Մոսկվա։
«Մենք անմիջապես դիվանագիտական խողովակներով դիմել ենք Երևանին՝ պարզաբանումներ ստանալու համար։ Ավելի վաղ բազմիցս կոչ էինք արել մեր գործընկերներին դադարեցնել ՌԴ քաղաքացիների մուտքը երկիր թույլ չտալու արատավոր պրակտիկան, որոնք ինչ-ինչ պատճառներով չեն հաճոյացել հանրապետության իշխանություններին, որոնք հայտարարում են իրենց ժողովրդավարությանը և բազմակարծությանը հավատարմության մասին, սակայն այդ հարցը պետք է առաջին հերթին ուղղել ՀՀ իշխանություններին»,- ասել է Զախարովան։
Մանրամասները՝ տեսանյութում։
--00—ՅՄ