Անցած շաբաթվա ավարտին հազարավոր ցուցարարներ էին հավաքվել Թել Ավիվում գտնվող Իսրայելի Պաշտպանության նախարարության շենքի դիմաց՝ կառավարությունից պահանջելով «Համասի» հետ գործարևք կնքել պատանդների ազատ արձակման շուրջ:
ԱՄՆ նախագահ Դոնալդ Թրամփն օրերս հաստատել էր, որ ամերիկյան իշխանությունները առաջին անգամ ուղիղ բանակցություններ են սկսել «Համասի» հետ, ինչը, փաստորեն, նոր մոտեցում է ԱՄՆ քաղաքականության մեջ, որը տարիներ շարունակ հրաժարվում էր ահաբեկչական ճանաչված կառույցների հետ ուղիղ բանակցություններ վարել:
«Մենք քննարկումներ ենք անցկացնում «Համասի» հետ։ Օգնում ենք Իսրայելին այդ քննարկումներում, քանի որ խոսքը իսրայելցի պատանդների մասին է։ Եվ մենք ոչինչ չենք անում «Համասի» առումով։ Գումար չենք վճարում…։ Փաստորեն, ես 59 պատանդ եմ դուրս բերել, և մենք ոչինչ չենք տվել դրա միմաց»,- ասել է ԱՄՆ նախագահ Դոնալդ Թրամփը: