ԵՐԵՎԱՆ, ՄԱՐՏԻ 22, 24News
Պորտուգալիայի հավաքականի հարձակվող Կրիշտիանու Ռոնալդուի հարսնացուն՝ Ջորջինա Ռոդրիգեսը պատմել է, որ իր ընկերները կատակում են իր հասցեին, քանի որ 40-ամյա ֆուտբոլիստը չի ամուսնացել իր հետ, չնայած այն բանին, որ նրանք հարաբերությունների մեջ են 2016 թվականից։
«Ընկերներս միշտ կատակում են հարսանիքի մասին՝ հարցնելով. «Ե՞րբ է հարսանիքը»: Դա ինձնից չէ կախված։ Այն պահից, երբ Ջենիֆեր Լոպեսի «Մատանի» երգը դուրս եկավ, նրանք սկսեցին երգել այն ինձ համար»,- ասել է Ջորջինան հեռուստաշոուի ժամանակ: Հիշենք, որ պորտուգալացի ֆուտբոլիստը Ջորջինային ամուսնության առաջարկ է արել 2018 թվականին, սակայն հարսանիքը դեռ չի կայացել։
Ինքը՝ Ռոնալդուն, այս իրավիճակի վերաբերյալ հետևյալ մեկնաբանությունն է տվել.
«Ես նրան միշտ ասում եմ. «Մենք կամուսնանանք, երբ ընդհանուր լեզու գտնենք»։ Ինչպես մեր կյանքին վերաբերող ամեն ինչում։ Նա գիտի, թե ինչի մասին եմ խոսում:
Դա կարող է տեղի ունենալ մեկ տարում, կամ վեց ամսից կամ մեկ ամսից: Բայց ես 100 տոկոսով վստահ եմ, որ դա կլինի»։
Աղբյուրը՝ Armsport.am:
--00—ՅՄ