ԵՐԵՎԱՆ, ՕԳՈՍՏՈՍԻ 26, 24News
Սրանք մարդկային ճակատագրերի հետ խաղալով կարիերա են կառուցում, գրել է պատգամավոր Տիգրան Աբրահամյանը՝ անդրադառնալով Արմեն Աշոտյանի գործին։
«Լրատվամիջոցներից մեկն այսօր գրել է, որ Աշոտյանի կալանքը երկարաձգած դատավորը մեծ ոգևորվածությամբ է իր անբարոյական քայլն արել, որով հա´մ իշխանությանն է բավարարել, հա´մ նախկին իշխանություններից վրեժ լուծել:
Մեղմ ասած՝ 2 դեպքում էլ արարքն ամենակոշտ հայհոյանքների է ենթակա, որովհետև և՛ դավաճան իշխանության պատվեր կատարելը, և´ Արմենի դեմ գործում ինքնահաստատվելն անպատվաբեր է բոլոր առումներով:
Սրանք մարդկային ճակատագրերի հետ խաղալով կարիերա են կառուցում, մի բան էլ այստեղ-այնտեղ գլուխ գովում:
Ոչինչ, մի քիչ էլ գովացեք, հետո տեղ չեք ճարելու այդ գլուխը թաքցնելու համար», - գրել է նա:
--00--ԼՀ