Ղարիբաշվիլին հանդիպել է Հայաստանում Վրաստանի դեսպանին

ԵՐԵՎԱՆ, ՀՈՒՆՎԱՐԻ 25, 24News

3274404

Վրաստանի վարչապետ Իրակլի Ղարիբաշվիլին հանդիպել է Հայաստանի Հանրապետությունում Վրաստանի նորանշանակ արտակարգ և լիազոր դեսպան Գիորգի Շարվաշիձեի հետ։ Այս մասին հայտնում է Վրաստանի կառավարությունը, փոխանցում է Aliq.ge-ն։

Հանդիպման ընթացքում նշվել է, որ Վրաստանը և Հայաստանի Հանրապետությանը կապված են սերտ բարեկամական և բարիդրացիական հարաբերություններով, և հույս է հայտնվել, որ ապագայում տարբեր ոլորտներում ակտիվ համագործակցություն կկատարվի:

Հաղորդագրության համաձայն՝ կառավարության ղեկավարը շնորհավորել է դիվանագետին նոր պաշտոնի կապակցությամբ և հաջողություններ մաղթել հետագա աշխատանքում։

«Գիորգի Շարվաշիձեն աշխատել է կրթության և գիտության նախարարությունում տարբեր պաշտոններում, այդ թվում՝ եղել առաջին փոխնախարար։ Զբաղվել է նաև գիտամանկավարժական գործունեությամբ։ 2016-2022 թվականներին եղել է Թբիլիսիի պետական ​​համալսարանի ռեկտորը։ Բացի այդ, 2004-2013 թվականներին նա աշխատել է Բուդապեշտում որպես ակադեմիական աջակցության ծրագրի տնօրեն Բաց հասարակության ինստիտուտում»,-նշված է կառավարության տարածած տեղեկության մեջ։

--00—ԶՀ