ԵՐԵՎԱՆ, ՕԳՈՍՏՈՍԻ 17, 24News
Երեկ դիմավորեցինք Հարավային Ամերիկայից՝ Գայանայից հետազոտությունների ժամանած մեր փոքրիկին։ Այս մասին տեղեկացնում է Առողջապահության նախարարության պրոֆեսոր Յոլյանի անվան արյունաբանական կենտրոնը։
«Արյունաբանական կենտրոնն ընդունել է ևս մեկ երեխայի, այս անգամ՝ Գայանայից, սուր լեյկեմիայի կասկածով։ Տեղի հիվանդանոցում, սուղ հնարավությունների պատճառով, վերջնական ախտորոշումը հաստատել չի հաջողվել։
Աշխարհահռչակ բժիշկ և գիտնական, մանկական ուռուցքաբան-արյունաբան Սքոթ Հովարդի և Նյու Յորքում գործող բարեգործական հիմնադրամներից մեկի միջնորդությամբ փոքրիկ պացիենտի ծնողները դիմել են Հայաստանի մանկական քաղցկեղի և արյան հիվանդությունների կենտրոն։
Ներկայումս երեխան արդեն իսկ անցնում է անհրաժեշտ բոլոր հետազոտություններն Արյունաբանական կենտրոնում»։
--00—ՅՄ