ԵՐԵՎԱՆ, ՕԳՈՍՏՈՍԻ 7, 24News
Բնապահպանության և ընդերքի տեսչական մարմնի աշխատակիցները Լոռու մարզում ավազակոպճային խառնուրդի արդյունահանմամբ զբաղվող ՕՍՏ-ՇԻՆ ՍՊԸ-ում իրականացրած ստուգման արդյունքում արձանագրել են խախտումներ։ Այս մասին տեղեկացնում են ԲԸՏՄ-ից:
Պարզվել է, որ Ընկերությունն ավազակոպճային խառնուրդի լվացման նպատակով առանց ջրօգտագործման թույտվության ջրառ է իրականացրել Փամբակ գետից:
Տեսչական մարմնի Լոռու տարածքային բաժնի պետի որոշմամբ կասեցվել է Փամբակ գետից խողովակաշարի միջոցով կատարվող ապօրինի ջրառը:
Ընկերության տնօրենի նկատմամբ նշանակվել է վարչական տուգանք:
--00--ԼՀ