ԵՐԵՎԱՆ, ՕԳՈՍՏՈՍԻ 31, 24News
Եվրոպական ֆուտբոլային ասոցիացիաների միության (ՈՒԵՖԱ) պաշտոնական կայքում հրապարակվել է Չեմպիոնների լիգայի 2024/2025 մրցաշրջանի ընդհանուր փուլի բոլոր հանդիպումների ամբողջական խաղացանկը։
Մրցաշարի այս փուլը, որին կմասնակցի 36 ակումբ, տեղի կունենա սեպտեմբերի 17-ից հունվարի 29-ը։ Յուրաքանչյուր թիմ պետք է ութ հանդիպում անցկացնի տարբեր մրցակիցների դեմ: Չորս խաղ կանցկացվի տանը, ևս չորսը` արտագնա:
Հանդիպումները կմեկնարկեն Երևանի ժամանակով 20։45-ին և 23։00-ին։ Վերջին՝ 8-րդ տուրի բոլոր հանդիպումները կկայանան հունվարի 29-ին։
Առաջին տուրում Հենրիխ Մխիթարյանի «Ինտերն» արտագնա խաղում կհանդիպի «Մանչեսթեր Սիթիի» հետ, իսկ Տիգրան Բարսեղյանի «Սլովանը»՝ «Սելթիկի»։
Մանրամասները՝ Armsport.am:
--00—ՅՄ