ԵՐԵՎԱՆ, ՍԵՊՏԵՄԲԵՐԻ 8, 24News
Ղազախստանի նախագահ Կասիմ-Ժոմարտ Տոկաևը կարծում է, որ Աստանայի և Մոսկվայի միջև դաշնակցային հարաբերությունների անբաժանելի մասը երկու երկրների տարածաշրջանների միջև համագործակցության զարգացումն է, փոխանցում է ՏԱՍՍ-ը։
Նշվում է, որ Տոկաևը հանդիպում է ունեցել Յակուտիայի ղեկավար Աիսեն Նիկոլաևի հետ։
«Քննարկվել են միջտարածաշրջանային փոխգործակցության ամրապնդման և երկկողմ կապերի ընդլայնման առանցքային ոլորտները, ընդգծելով, որ տարածաշրջանների միջև համագործակցության համակողմանի զարգացումը Ղազախստանի և Ռուսաստանի ռազմավարական գործընկերության և դաշնակցային հարաբերությունների անբաժանելի մասն է», - ասվում է Ղազախստանի նախագահի մամուլի ծառայության հայտարարության մեջ։
Տոկաևը նաև ուշադրություն է հրավիրել տարբեր ոլորտներում Յակուտիայի հետ համագործակցության մեծացման զգալի ներուժի վրա՝ ներառյալ արդյունաբերությունը, առևտուրը, ՏՏ ոլորտը, գյուղատնտեսությունը և հանքարդյունաբերությունը։
--00—ՅՄ