ԵՐԵՎԱՆ, ՆՈՅԵՄԲԵՐԻ 13, 24News
SHAMSHYAN.com-ի տեղեկություններով՝ հոկտեմբերի 26-ին գողության դեպք է տեղի ունեցել Երևանում։ Ժամը 16։30-ի սահմաններում Իրանի Իսլամական Հանրապետության քաղաքացի՝ 39-ամյա Սեյեդ Մեյսամ Սեյեդ Աբբաս Միրխանդանի Փիշքենարին դիմել է ոստիկանության Մաշտոցի բաժին և հայտնել, որ ընկերը Իրանի Իսլամական Հանրապետության քաղաքացի 55-ամյա Փարվիզ Ադելի Սարդու Խամբազը հոկտեմբերի 24-ի ժամը 11։00-ից մինչև 17։30-ն ընկած ժամանակահատվածում, Սասնա Ծռեր փողոցի 9/1 հասցեին հարակից տարածքում գործող եռակցման կետում գտնվող պահարանից գողացել է իր պայուսակը, որի մեջ եղել է 45 հազար ԱՄՆ դոլար:
Ինչպես հայտնում է ֆոտոլրագրող Գագիկ Շամշյանը, դեպքի փաստով ոստիկանության Մաշտոցի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժին։
Առավել մանրամասն՝ սկզբնաղբյուր կայքում։
--00—ԼՀ