ԵՐԵՎԱՆ, ՀՈՒՆՎԱՐԻ 13, 24News
Առնվազն 24 մարդ է զոհվել Կալիֆոռնիայի անտառային հրդեհների հետևանքով, հայտնում է ABC News-ը՝ հղում անելով Լոս Անջելեսի բժշկական փորձաքննության գրասենյակի տվյալներին։
Ավելի վաղ հաղորդվում էր 16 զոհի մասին։
«Հաստատվել է, որ 16 մարդ է զոհվել Իտոնի հրդեհի հետևանքով, իսկ ութ մարդ՝ Պալիսադեսում», - ասվում է զեկույցում:
Հիշեցնենք, որ հունվարի 7-ից Լոս Անջելեսում մոլեգնում են անտառային հրդեհները, որը համարվում է ԱՄՆ պատմության մեջ ամենախոշորը։ Իշխանությունների տվյալներով՝ հրդեհների ընդհանուր մակերեսը գերազանցել է 16 հազար հեկտարը։ Ավերվել է ավելի քան 12300 շենք, այդ թվում՝ հայտնիների տներ։
Օդերևութաբանները նշում են, որ չոր ու քամոտ եղանակը հրդեհի արագ տարածման պատճառ է դարձել։
--00—ՅՄ