ԵՐԵՎԱՆ, ՀՈՒՆՎԱՐԻ 12, 24News
ԱՄՆ ընտրված նախագահ Դոնալդ Թրամփի և Ռուսաստանի նախագահ Վլադիմիր Պուտինի հեռախոսազրույցը կարող է տեղի ունենալ «մոտ օրերս կամ շաբաթներին», ասել է Թրամփի ազգային անվտանգության հարցերով ապագա խորհրդական Մայք Ուոլցը։
«Մենք դեռ չենք որոշել ստույգ կառուցվածքը (ապագա հանդիպմանը - խմբ.), բայց աշխատում ենք դրա վրա, ակնկալում եմ, որ գոնե առաջիկա օրերին կամ շաբաթներին հեռախոսազանգ տեղի կունենա, սա կլինի առաջին քայլը, որից հետո մենք կշարունակենք հետագա քայլերը»,- ասել է Ուոլցը ABC հեռուստաալիքի եթերում։
Նա նաև հավելել է, որ Ուկրաինայի հակամարտության կարգավորման համատեքստում կարևոր խնդիրներից մեկը լինելու է մարտադաշտում իրավիճակի կայունացումը։
--00—ՅՄ