ԵՐԵՎԱՆ, ՄԱՐՏԻ 19, 24News
Մարտի 19-ին՝ ժամը 11:22-ին, Ճգնաժամային կառավարման ազգային կենտրոն ահազանգ է ստացվել, որ Տավուշի մարզի Չինարի գյուղի ավտոճանապարհին այրվում է ավտոմեքենա: Այս մասին տեղեկացնում է ԱԻՆ լրատվական ծառայությունը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի հենակետից մեկ մարտական հաշվարկ:
Պարզվել է, որ այրվում է «ՎԱԶ-2107» մակնիշի ավտոմեքենան (վարորդ՝ Վոլոդյա Չ.):
Հրդեհը մեկուսացվել է ժամը 12:09-ին, մարվել՝ 12:26-ին: Ավտոմեքենան ամբողջությամբ այրվել է: