ԵՐԵՎԱՆ, ԴԵԿՏԵՄԲԵՐԻ 28, 24News
Գերմանիան այս տարի արտաքսել է 18 իսլամիստ ծայրահեղականի, որոնք գերմանական անվտանգության մարմինների կողմից դասակարգված են եղել որպես «վտանգավոր» անձինք։ «Deutsche Welle»-ի թուրքերեն ծառայության փոխանցմամբ՝ այդ անձանցից 4-ն ուղարկվել է Թուրքիա։ Այս մասին հայտնում է «Էրմենիհաբեր»-ը:
Գործակալությունը հիշեցրել է, որ 2019 թվականին Գերմանիան արտաքսել էր «վտանգավոր» դասի մեջ մտնող 32 անձի։
Ավելի վաղ Գերմանիայի կառավարությունը հայտնել էր, որ Գերմանիայի ներքին հետախուզական կառույցի՝ Դաշնային սահմանադրության պաշտպանության կազմակերպության գնահատմամբ՝ երկրում կա իսլամական ահաբեկչություն իրականացնելու ներուժ ունեցող Գերմանիայի 940, Սիրիայի 280, Թուրքիայի 120, Ռուսաստանի 90 և Իրաքի 60 քաղաքացի։
--00--ԱԹ