ԵՐԵՎԱՆ, ՕԳՈՍՏՈՍԻ 22, 24News
ՌԴ ՀՕՊ-ը գիշերը ուկրաինական երկու անօդաչու թռչող սարք է խոցել Մոսկվայի շրջանում, իսկ Բրյանսկի շրջանում ռադիոէլեկտրոնային պայքարի միջոցները ճնշել են ևս երկու ԱԹՍ։ Այս մասին հայտնում է ՌԴ պաշտպանության նախարարության մամուլի ծառայությունը։
«Այս գիշեր Կիևի ռեժիմի կողմից ԱԹՍ-ներով ահաբեկչական հարձակումներ իրականացնելու փորձերը ձախողվել են: Բրյանսկի շրջանում երկու անօդաչու թռչող սարքեր հայտնաբերվել և խոցվել են հակաօդային պաշտպանության համակարգերով և ճնշվել ռադիոէլեկտրոնային պայքարի միջոցներով: Մոսկվայի մարզում ևս հայտնաբերվել են երկու անօդաչու թռչող սարքեր և ոչնչացվել ՀՕՊ համակարգերի կողմից»,- ասված է հաղորդագրության մեջ։
Միջադեպի արդյունքում զոհեր չկան։
--00—ՅՄ