ԵՐԵՎԱՆ, ՀՈՒՆՎԱՐԻ 21, 24News
Այսօր՝ հունվարի 21-ին հայկական ֆուտբոլի լեգենդ, Հայաստանի ազգային հավաքականի բոլոր ժամանակների լավագույն ռմբարկու, «Ինտերի» կիսապաշտպան Հենրիխ Մխիթարյանը նշում է ծննդյան 36-րդ տարեդարձը։
Այս տարի հրատարակվելու է հանրահայտ ֆուտբոլիստի ինքնակենսագրականը։ Այս մասին գրել է Newmag-ի գործադիր տնօրեն Արտակ Ալեքսանյանը ֆեյսբուքյան իր էջում։
«Մխիթարյանը դեռևս Newmag-ի ամառային փառատոնի ընթացքում էր ակնարկել այս ծրագրի մասին, իսկ այս պահին գրքի վրա աշխատանքն ընթանում է ամբողջ թափով։
Գիրքը միաժամանակ կթարգմանվի և կհրատարակվի մի քանի լեզուներով։ Նախաձեռնության գլխավոր գործընկերը իտալական CairaRCS MEDIA խումբն է՝ երկրի խոշորագույն մեդիա ընկերություններից մեկը, որի կազմում են ներառված մի քանի հեռուստաալիք և առաջատար պարբերականներ, ինչպիսիք են Corriere della Sera-ն և La Gazzetta dello Sport-ը։ Իտալերեն տարբերակի հետ միասին գիրքը լույս կտեսնի նաև հայերեն, որը կհրատարակի Newmag-ը»,- գրել է Ալեքսանյանը։
--00—ՅՄ