ԵՐԵՎԱՆ, ՀՈՒՆՎԱՐԻ 24, 24News
ԱՄՆ նախագահ Դոնալդ Թրամփը խոստացել է կապ հաստատել Հյուսիսային Կորեայի առաջնորդ Կիմ Չեն Ընի հետ, սակայն հնարավոր շփումների մանրամասները չի նշել։
«Կիմ Չեն Ընը խելացի մարդ է»,- ասել է Թրամփը Fox News-ին երդմնակալությունից հետո իր առաջին հարցազրույցում։
Հարցին, թե արդյո՞ք նա կապ կհաստատի Ընի հետ, Թրամփը դրական պատասխան է տվե։
2018 թվականի հունիսին Սինգապուրում տեղի ունեցավ ԱՄՆ-ԿԺԴՀ առաջին գագաթնաժողովը, որի արդյունքում ընդունվեց համատեղ փաստաթուղթ։ Այնուհետև Փհենյանն իր վրա վերցրեց ապամիջուկայնացման հարցով պարտավորությունը Վաշինգտոնից անվտանգության երաշխիքների դիմաց:
Երկրորդ գագաթնաժողովը տեղի է ունեցել Հանոյում 2019 թվականի փետրվարին։ Թրամփը և Հյուսիսային Կորեայի առաջնորդը մի քանի հանդիպումներից հետո, այդ թվում՝ դեմ առ դեմ, չկարողացան համաձայնության գալ և համատեղ փաստաթուղթ չստորագրեցին։
2019 թվականի հունիսի 30-ին ԿԺԴՀ-ի և Կորեայի Հանրապետության սահմանին ապառազմականացված գոտում տեղի ունեցավ Թրամփի և Կիմ Չեն Ընի երրորդ հանդիպումը։ 2019 թվականի հոկտեմբերի 5-ին ԱՄՆ-ի և Հյուսիսային Կորեայի պաշտոնյաները հանդիպել են Շվեդիայում աշխատանքային մակարդակով, սակայն բանակցություններն ավարտվել են առանց արդյունքի։
--00—ՅՄ