Script Ավելի քան կես դար իսրայելական ուժերի վերահսկողության ներքո գտնվող Գոլանի բարձունքներին հարակից Սիրիայի Ալ-Քունեյտրա նահանգի վարչական կենտրոնի՝ Ալ-Բաաթ քաղաքի հայտնի պուրակներից մեկն այլևս դատարկ է. երեխաների ձայնը չի լսվում։
Անցած տարվա դեկտեմբերին, երբ Բաշար ալ-Ասադի ռեժիմը տապալվեց, իսրայելական ուժերը մտան քաղաք: Այժմ իսրայելական զինուժի «Մերկավա» տանկը կայանած է դատարկ ճոճանակներից ընդամենը մի քանի հարյուր մետր հեռավորության վրա:
Իսրայելական ուժերը վերահսկողության տակ են վերցրել այն տարածքը, որն առանձնացված էր որպես բուֆերային գոտի՝ Գոլանի բարձունքների և Սիրիայի մյուս տարածքների միջև։ Գոտին հիմնվել է 1974 թվականի զինադադարի համաձայն, որն էլ վերջ դրեց երկու երկրների միջև բռնկված հերթական պատերազմին: