ԵՐԵՎԱՆ, ՄԱՅԻՍԻ 12, 24News
ՀՀ վարչապետ Նիկոլ Փաշինյանի անվտանգության աշխատակիցներից մեկի մոտ կորոնավիրուս չի հայտնաբերվել։ Այս տեղեկությունը լրատվամիջոցների հետ զրույցում հաստատել է վարչապետի մամուլի խոսնակ Մանե Գևորգյանը։
«Վարչապետի աշխատակազմի կադրերի վարչության աշխատակիցը կորոնավիրուսի թեստ է հանձնել, իսկ անվտանգության աշխատակիցների մոտ կորոնավիրուս չկա: Իսկ վարչապետն իր թեստավորման մասին մշտապես տեղեկացնում է, վերջին օրերին նա թեստ չի հանձնել»,- ասել է Մանե Գևորգյանը:
Հիշեցնենք, որ 168․am-ը ավելի վաղ տեղեկացրել էր, որ վարչապետ Նիկոլ Փաշինյանի անվտանգության աշխատակիցներից մեկի մոտ կորոնավիրուս է հաստատվել։