ԵՐԵՎԱՆ, ՆՈՅԵՄԲԵՐԻ 16, 24News
Ներկա պահին Արցախում ընթացքի մեջ են ուսումնական հաստատությունների մաքրման, բարեկարգման, վնասազերծման աշխատանքները, հայտնում են Արցախի կրթության, գիտության և մշակույթի նախարարությունից՝ նշելով, որ ուսումնական գործընթացն ինչ-որ չափով վերականգնված է միայն Ստեփանակերտի թիվ 2 դպրոցում:
«Կարող եք մոտենալ դպրոց և գրանցել ձեր երեխային համապատասխան դասարանում:
Իրազեկում ենք նաև, որ, կապված ոչ լրիվ ուսուցչական համակազմի հետ, թիվ 2 դպրոցում առայժմ ուսուցանվում են ոչ բոլոր հանրակրթական առարկաները:
Հորդորում ենք մեր սիրելի աշակերտներին շարունակել ուսումն առցանց հարթակներում մինչև Արցախի կրթական գործընթացի լիարժեք վերականգնումը», - նշված է հայտարարության մեջ:
--00—ՄՀ