ԵՐԵՎԱՆ, ՍԵՊՏԵՄԲԵՐԻ 27, 24News
ՀՀ փոխվարչապետ Մհեր Գրիգորյանի գրասենյակից ոչ հաստատում, ոչ էլ հերքում են Ադրբեջանի նախագահ Իլհամ Ալիեւի` հոկտեմբեր ամսին եռակողմ հանդիպման մասին հայտարարությունը։
NEWS.am-ին գրասենյակից ասացին, որ հանդիպման վերաբերյալ ամսաթիվ չկա.
«Չենք բացառում, բայց այս պահին հաջորդ հանդիպման վերաբերյալ պայմանավորված ամսաթիվ չկա»։
Հիշեցնենք, որ այսօր՝ սեպտեմբերի 27-ին, Ալիեւը թուրքական «Anadolu» գործակալությանը տված հարցազրույցում ասել է, որ Հայաստանի, Ռուսաստանի ու Ադրբեջանի փոխվարչապետների մակարդակով աշխատանքային խմբի հաջորդ հանդիպումը կկայանա հոկտեմբերին։
--00--ԱՀ