ԵՐԵՎԱՆ, ՀՈՒՆՎԱՐԻ 10, 24News
ՀԱՊԿ նոր գլխավոր քարտուղար Իմանգալի Տասմագամբետովին ներկայացրել են ՀԱՊԿ մշտական խորհրդի նիստին։ Այս մասին հայտնում է «ՌԻԱ Նովոստի»-ն՝ հղում անելով Մոսկվայում Բելառուսի դեսպանությանը։
«Բելառուսի Հանրապետության Անվտանգության խորհրդի պետքարտուղար Ալեքսանդր Վոլֆովիչը ՀԱՊԿ Մշտական խորհրդի նիստի ժամանակ ներկայացրել է կազմակերպության նոր գլխավոր քարտուղարին՝ Ղազախստանի ներկայացուցիչ Իմանգալի Տասմագամբետովին»,- ասված է դեսպանատան հայտարարության մեջ։
Դիվանագիտական առաքելությունից հայտնում են նաև, որ Տասմագամբետովը նախատեսում է մոտ ապագայում այցելել Մինսկ։
--00—ՅՄ