ԵՐԵՎԱՆ, ՀՈՒՆՎԱՐԻ 2, 24News
Թուրքիայի արևելքում գտնվող Մալաթիա նահանգում մարդատար ավտոբուս է վթարի ենթարկվել, ինչի հետևանքով կան զոհեր ու տուժածներ: Այս մասին հայտնում են թուրքական լրատվամիջոցները:
Հաղորդվում է, որ միջադեպը տեղի է ունեցել այսօր առավոտյան։ Ստամբուլից Մալաթիա ուղևորվող ավտոբուսը Աքչադաղ գյուղի շրջանում թանձր մառախուղի պատճառով կողաշրջվել է, ինչից հետո նույն ուղղությամբ ընթացող բեռնատարը մխրճվել է ավտոբուսի մեջ։
Վթարի հետևանքով զոհվել է չորս մարդ, տուժել՝ 36-ը։ Տուժածները տեղափոխվել են տարբեր հիվանդանոցներ։
--00—ԱՊ