Միացյալ Նահանգների Պետքարտուղարության համաձայն՝ Ռուբիոն Պանամայի նախագահ Խոսե Ռաուլ Մուլինոյին և արտգործնախարար Խավիեր Մարտինես-Աչային ասել է, որ ԱՄՆ նախագահ Դոնալդ Թրամփը «նախնական եզրահանգման է եկել, որ Պանամայի ջրանցքի տարածքում Չինաստանի Կոմունիստական կուսակցության ազդեցության և վերահսկողության ներկայիս դիրքը սպառնալիք է ջրանցքի շահագործմանը»։
Ամերիկյան արտաքին քաղաքական գերատեսչությունը չի հստակեցնում, թե ԱՄՆ-ն հատկապես ինչ է համարում Չինաստանի անհարկի ազդեցություն 82 կիլոմետրանոց ջրանցքի նկատմամբ, ինչ քայլեր կարող է ձեռնարկել Վաշինգտոնը կամ ինչ է արձագանքել նախագահ Մուլինոն։
Հիշեցնենք՝ նախորդ օրերին Պանամայի նախագահը մերժում էր ընդունել ԱՄՆ նոր վարչակազմի քննադատությունը Պանամայի ջրանցքի առնչությամբ՝ պնդելով, թե չի պատրաստվում Վաշինգտոնի հետ քննարկել ջրանցքի սեփականության հարցը։