Սիրիայում գտնվող Պալմիրա հնագույն քաղաքի ավերակները հայտնի են աշխարհում։ Ժամանակին քաղաքը Հռոմեական կայսրությունը կապում էր Ասիայի հնագույն պետությունների հետ:
Մինչ սիրիական քաղաքացիական պատերազմը, վայրը համարվում էր զբոսաշրջային կարևոր ուղղություն, բայց այժմ այն դատարկ է:
Ժամանակակից Պալմիրա քաղաքի մեծ մասը ավերվել է քաղաքացիական կռիվների ժամանակ։ Շատ թաղամասեր տակավին ականապատ են:
Աբու Հուսեյնը «Ինժեներներ» անվամբ կազմակերպության անդամ է։ Փորձում են մաքրել քաղաքն ականներից:
«Վեց-յոթ մարդ զոհվել է ականներից, քանի որ [քաղաքում] տարբեր ուժերի թողած ականներ կան: Այս տարածքն ամբողջությամբ ականապատված էր: Մաքրում ենք քաղաքը ականներից, պայթուցիկներից, որոնք այստեղ թողել են նախկին ռեժիմի ներկայացուցիչները, ռուսները և իրանցիները»,- ասում է նա։