ԵՐԵՎԱՆ, ՄԱՐՏԻ 2, 24News
Աբխազիայում ավարտվել են նախագահական ընտրությունները, նախնական արդյունքներով հաղթել է Բադրա Գունբան։ Նախագահի թեկնածուն իր շտաբի կողմնակիցների հետ հանդիպման ժամանակ արդեն հայտարարել է քվեարկության երկրորդ փուլում հաղթանակի մասին։
«Այս արդյունքը պայմանավորված է այն վստահությամբ, որ մեր երկրի քաղաքացիները դրսևորել են մեր, մեր թիմի նկատմամբ, և որ ամենակարևորն է՝ դա մեր ժողովրդի քվեի արդյունքն է»,- ասել է Գունբան։
Քաղաքական գործիչն ընդգծել է, որ դա իր հաղթանակը չէր, որը տեղի ունեցավ ընտրությունների օրը, դա Աբխազիայի ողջ ժողովրդի հաղթանակն էր հանուն երկրի ապագայի։
Աբխազիայի Կենտրոնական ընտրական հանձնաժողովը նախնական արդյունքները կհրապարակի մարտի 2-ին, իսկ ընտրությունների արդյունքների պաշտոնական հայտարարությունը կհայտնվի առաջիկա երեք օրվա ընթացքում։
--00—ՅՄ