ԵՐԵՎԱՆ, ՀՈԿՏԵՄԲԵՐԻ 25, 24News
Իսրայելի կշարունակի գործել նրանց դեմ, ովքեր փորձում են վնաս հասցնել իր քաղաքացիներին, ահաբեկիչների համար ապաստան-քաղաքներ Հորդանան գետի Արեւմտյան ափին «չկան եւ չեն լինելու»: Այս հայտարարությամբ հանդես է եկել հրեական պետության պաշտպանության նախարար Բենի Հանցը՝ մեկնաբանելով հոկտեմբերի 25-ի գործողությունը Նաբլուսում «Առյուծի որջ» պաղեստինյան խմբավորման կենտրոնակայանի չեզոքացման համար, տեղեկացնում է «Արմենպրես»-ը:
«Չկան եւ չեն լինելու ահաբեկիչների համար ապաստան- քաղաքներ: Մենք շարունակելու ենք գործել բոլորի դեմ, ովքեր փորձում են վնաս պատճառել Իսրայելի քաղաքացիներին»,-Հանցը գրել Է Twitter-ում: Իսրայելի պաշտպանության բանակը՝ ՇԱԲԱԿ-ը (Ընդհանուր անվտանգության ծառայություն), եւ սահմանապահ ոստիկանությունը Նաբլուսում հայտնաբերել են «Առյուծի որջ» ահաբեկչական խմբավորման թաքստոց, որն օգտագործվել է պայթուցիկ նյութեր պատրաստելու համար:
«Ուժայինները պայթեցրել են պայթուցիկ նյութերի պատրաստման վայրը: Գործողության ժամանակ վիրավորվել են մի քանի զինված կասկածյալներ»,-հոկտեմբերի 25-ին հաղորդել Է բանակի մամուլի ծառայությունը: Նրա տվյալներով՝ «Առյուծի որջ» խմբավորումը պատասխանատվություն Է կրում գնդակոծությունների համար, որոնք հանգեցրել են զինծառայողի զոհվելու, Թել Ավիվում ահաբեկչություն կատարելու փորձի համար:
Իսրայելի անվտանգության ծառայություններն ապրիլի 10-ից ամենօրյա գործողություններ եւ ստուգարշավներ են անցկացնում Արեւմտյան ափին ահաբեկչությանը դիմակայելու համար՝ ի պատասխան հրեական պետության քաղաքներում մի շարք ահաբեկչությունների, որոնց հետեւանքով սպանվել Է 20 մարդ, հաղորդել Է ՏԱՍՍ-ը:
--00—ԻԴ