ԵՐԵՎԱՆ, ՓԵՏՐՎԱՐԻ 12, 24News
Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանը լայնածավալ հարցազրույց է տվել Championat.com-ին։ 24-ամյա կիսապաշտպանը պատասխանել է մի շարք կարևոր հարցերի, անդրադարձել «Յուվենտուսի» և ՊՍԺ-ի հետաքրքրվածությանը, ինչպես նաև խոսել ռուսական ակումբից հեռանալու ցանկության մասին։
««Յուվենտուսից» հետաքրքրություն եղել է իմ նկատմամբ: Ամռանը նաև «Ժիրոնան» էր առաջարկով դիմել «Կրասնոդարին»: Ինչ վերաբերում է ՊՍԺ-ին, ապա իմ գործակալը Փարիզում էր, նա մի քանի հանդիպում է ունեցել այնտեղ: Եվ, եթե չեմ սխալվում, Սաֆոնովին հարցրել են իմ և մի քանի այլ խաղացողների մասին։ Բայց ոչ մի առաջարկ կամ հեռախոսազանգ չի եղել։ Իմ ծառայություններով հետաքրքրված էին նաև «Լիդսը» և «Լանսը»։
Այո, ես ցանկանում եմ հեռանալ, բայց չեմ կարող հրաժարվել «Կրասնոդարից»։ Առաջարկը պետք է շատ լավը լինի, իսկ ակումբը պետք է մեծ ցանկություն ունենա ինձ բաց թողնելու։ Այս ձմռանը հենց սա էր պակասում»,- նշել է Սպերցյանը։
--00—ՍՊ