ԵՐԵՎԱՆ, ԴԵԿՏԵՄԲԵՐԻ 14, 24News
Ֆուտբոլի միջազգային ֆեդերացիան (ՖԻՖԱ) հրապարակել է 2023 թվականի լավագույն մարզիչ մրցանակի հավակնորդների անունները։ Հավակնորդների ցուցակում են Պեպ Գվարդիոլան («Մանչեսթեր Սիթի»), Սիմոնե Ինձագին («Ինտեր») և Լուչիանո Սպալետին («Նապոլի», Իտալիա):
Հիշեցնենք, որ Գվարդիոլան անցած մրցաշրջանում «Մանչեսթեր Սիթիին» հաղթանակ տարավ միանգամից երեք մրցաշարերում՝ Չեմպիոնների լիգայում, Անգլիայի Պրեմիեր լիգայում և Անգլիայի գավաթում։ Ինձագին «Ինտերին» դուրս բերեց Չեմպիոնների լիգայի եզրափակիչ: Սպալետին, իր հերթին, օգնեց «Նապոլիին» նվաճել 33 տարվա մեջ առաջին Սկուդետտոն:
Անվանակարգի հաղթողը հայտնի կդառնա «The Best» մրցանակաբաշխության ժամանակ, որը տեղի կունենա հունվարի 15-ին։
Աղբյուրը՝ Armsport.am
--00—ՅՄ