ԵՐԵՎԱՆ, ԱՊՐԻԼԻ 12, 24News
ՀՀ ԱԳ նախարար Արարատ Միրզոյանը Անթալիայի դիվանագիտական ֆորումի շրջանակում մասնակցել է իր ադրբեջանցի գործընկեր Ջեյհուն Բայրամովի հետ քննարկմանը և հայտարարել, որ ԵԱՀԿ Մինսկի խումբը կարող է լուծարվել Երևանի և Բաքվի միջև խաղաղության համաձայնագրի ստորագրումից հետո։
«Մենք մի քանի անգամ պատրաստակամություն ենք հայտնել սկսել և ավարտին հասցնել Մինսկի կառույցի լուծարման գործընթացը։ Այդ կառույցը կարելի է լուծարել, եթե կոնֆլիկտ չկա, բայց հիմա մենք կոնֆլիկտ ունե՞նք։
Հողի վրա հակամարտություն չկա, բայց թղթի վրա համաձայնություն չկա։ Լուծումը ակնհայտ է. Մենք պետք է ստորագրենք խաղաղության համաձայնագիրը, ինստիտուցիոնալ կերպով դադարեցնենք այս կոնֆլիկտը նույն օրը և լուծարենք Մինսկի կառույցը։ Եվ անգամ չեմ խոսում այն մասին, թե որ փաստաթուղթը պետք է ստորագրվի մյուսից առաջ»,- ասել է Միրզոյանը։
Մանրամասները՝ տեսանյութում։
--00—ՅՄ