ԵՐԵՎԱՆ, ԱՊՐԻԼԻ 12, 24News
Ապրիլի 12-ին Թուրքիայում Անթալիայի Դիվանագիտական համաժողովի շրջանակում կայացել է ՌԴ ԱԳ նախարար Սերգեյ Լավրովի եւ Ադրբեջանի արտգործնախարար Բայրամովի հանդիպումը։ Այս մասին հայտնում են ՌԴ ԱԳՆ-ից։
Արտգործնախարարները զրույցի ընթացքում քննարկվել են երկու երկրների միջեւ դաշնակցային համագործակցության եւ ռազմավարական գործընկերության ամրապնդմանն ուղղված գործնական քայլերը, համատեղ միջոցառումների ժամանակացույցը։
Կողմերը մտքեր են փոխանակել միջազգային եւ տարածաշրջանային օրակարգի արդի հարցերի շուրջ։ Նշվել է «3+3» տարածաշրջանային համագործակցության պլատֆորմի շրջանակում փոխգործակցության շարունակականության, ինչպես նաեւ «կասպյան հնգյակի» աշխատանքի ակտիվացման կարեւորությունը։
Ռուսական կողմը հաստատել է իր պատրաստակամությունը՝ նպաստելու ադրբեջանա-հայկական հարաբերությունների կարգավորման գործընթացին եւ խաղաղության պայմանագրի կնքմանը։ Ընդգծվել է 2020-2022թթ. Ռուսաստանի, Ադրբեջանի եւ Հայաստանի ղեկավարների միջեւ եռակողմ համաձայնագրերի համալիրի իրականացման անհրաժեշտությունը։
--00--ԱՀ